Veronica é lo boque

venerdì 23 maggio 2008

Eun dzor Veronica va a Cogne é s'achouatte desì eun grou bèrio pe avèitchì le dzènte montagne. Tot d'eun cou, comme pe majì, eun grou boque areuvve dérì lleu. Veronica se prèn pouiye, mi lo boque, pe tranquilizé-la lèi dimande: “ Sènque te fé inque dedeun lo meun prou, dzènta popoun-a?” Veronica di que l'è vegnaye avouì sa fameuille pe fiye eun pique-nique. Adón lo boque amalechà l'èi repón: “Pouèi-lé vo léchade-pi plèn de bordeus pe le prou, beurte bitche!”

Veronica se vionde é, greundze comme eun pet, l'èi repón: “Boque di qui plemoù t'i fran pa jantilo avouì mé é ma fameuille. No sèn pa-pi de gadeun, touteun! Aprì que n'èn meudjà, no pourtèn to ia!” Veronica aprì avèi prédjà avouì lo boque, l'è tournaye avouì la sin-a fameuille que l'atègnave deun lo prou dézót.

L'an medjà eunna mordiya é l'an djouiyà pe le proù. Aprì dooue-z-ooure son aloù dedeun eun refijio a Valnontey de Cogne é son tournoù dedeun lo prou di boque. Mi lo boque avouì le seun pouegnèn l'a fi comme eunna cllènda é l'a pa quetoù passé lo pappa é la mamma de Veronica. Veronica ouzave pa s'approtchì di boque péqué l'ayét pouiye di grouse corne. L'è adón que lo boque l'a deu-lèì : “ Tracacha-té pa te fiyo pa de mou! Veun djouì avouì mé dedeun lo prou.” Totta la viproù le dou-z-amì l'an djouyà a galopé tanque a resté sènsa flou é Veronica l'a découvèr que lo boque l'iye majique. Tcheu le cou que lo boque plantave eun pet fijé eun vooulo lon trèi metre.

Veronica vouillé savèi lo secret di pet é lo boque l'a splecou-lèi comme fiye. Veronica se consèntre, fé eun grou pet que l'a pouèi gramo flou que lo boque tsi pe téra itoouloù. “ T'a gagnà té, t'i la rèina di pet, veun me troué tcheu le cou que t'a voya de djouì avouì mé”. Veronica totta contènta la bailla-lèi eun pouteun desì lo mouro é l'è tornaye a méizón.

0 commenti: